အချို့သူတွေက တိမ်တွေလိုပဲ
သူတို့မရှိတော့မှ နေရောင်ကိုကောင်းကောင်းမြင်ရတယ်
သင့်ရဲ့တုန့်ပြန်မှုနဲ့ မထိုက်တန်တဲ့လူတွေကို
စကားပြန်ပြောမနေပါနဲ့ ပင်ပန်းပါတယ်
တစ်ခါတစ်လေ အားအကြီးဆုံးတုန့်ပြန်မှုက
ဆိတ်ဆိတ်နေခြင်းပါပဲ ။ ။
တန်ဘိုးမထားတတ်တဲ့လူတစ်ယောက်ကိုတန်ဘိုးသွားထားမိရင်
ရလာမယ့်အဖြေက သင့်တန်ဘိုးလျော့နည်းသွားခြင်းပါပဲ
သင့်တန်ဘိုးကို နားမလည်တဲ့လူတွေကြား
ကြာကြာမနေပါနဲ့ ကြာရင် သင့်အတွက်ဆိုးကျိုးတွေချည်းပဲ
လူတွေနဲ့ သဟဇာတဖြစ်အောင်ဆိုပြီးလည်း
ဘာပြောပြော နားမယောင်မိပါစေနဲ့
တစ်ခါတစ်လေ သင်လဲကျသွားတာကိုမြင်ချင်ပြီး
သင့်ဒဏ်ရာကို ဆားနဲ့ပက်မယ့်လူတွေ ဒု နဲ့ ဒေး ။ ။
အဆင်မပြေတိုင်းလည်း စိတ်ဓာတ်ကျမနေပါနဲ့
ဘဝကအဆင်မပြေတဲ့ ကြား
သင်ကပါ စိတ်ဓာတ်ကျနေဦးမယ်ဆိုရင်
ဘဝမှာ ဘာရစရာရှိဦးမှာလဲ စိတ်ဓာတ်မကျနဲ့
ဘဝဆိုတာ ဒီအတိုင်းမနေပါဘူး
တစ်ချိန်မဟုတ် တစ်ချိန် တစ်နေ့မဟုတ် တစ်နေ့
ကျိန်းသေ ပြောင်းလဲသွားမှာပါ ။ ။
ဆုပ်ကိုင်ထားနိုင်မှ မြဲတယ်လို့ထင်ရပေမယ့်
တစ်ချို့တစ်ချို့သောအရာတွေက
စွန့်လွှတ်သင့်ရင် စွန့်လွှတ်နိုင်မှ လွတ်လပ်ပေါ့ပါးသွားသလို
သင့်ကိုလည်း ပိုလို့ ရင့်ကျက်သန်မာစေတာပါ
အဖြေတစ်ခုကို ဘဝနဲ့ရင်းပြီး သင်သိသွားတဲ့အခါ
ပြုံးနိုင်ဖို့ ကြိုးစားလိုက်စမ်းပါ
လက်စားချေခြင်းဆိုတာ လူညံ့တွေရဲ့အလုပ်
သင်္ခန်းစာယူတတ်ခြင်းဆိုတာ လူတော်တွေရဲ့အလုပ် ။ ။
ဘဝဆိုတာ ဖြစ်ချစ်တာနဲ့ ဖြစ်သင့်တာ
ထပ်တူကျချင်မှ ထပ်တူကျမယ်
ဒါပေမယ့် လူပီသဖို့အတွက်တော့
ဖြစ်ချင်တာထက် ဖြစ်သင့်တာကို ပိုလို့ဦးစားပေးရမှာပဲလေ
ဘွဲ့တွေဘယ်လောက်ရရ ရာထူးတွေဘယ်လောက်ကြီးကြီး
အကောင်းနဲ့အဆိုး အကြောင်းနဲ့အကျိုးကို
ဝေဖန်ပိုင်းခြားနိုင်စွမ်းမရှိတဲ့အခါ
ပညာတတ်လူမိုက်ပဲ ဖြစ်နေမှာပါ မဟုတ်ဘူးလား ။ ။
လူတွေနဲ့ဆက်ဆံတဲ့အခါ
ဒေါသအပြန်အလှန်ထွက်စေနိုင်တဲ့အပြုအမူလေးတွေကို
သူ့ဘက်ကလာတာ မရှောင်နိုင်ရင်တောင်မှ
ကိုယ့်ဘက်က လုံးဝမစတင်လိုက်ပါနဲ့
အရာရာမှာ ရိုးသားပါ
ကိုယ့်ဘက်က သန့်ရှင်းမှုလေးနဲ့သာစတင်လိုက်ပါ ။ ။
သင့်အနားမှာ လူတွေအများကြီးရှိချင်ရှိနေမယ်
ဒါပေမယ့် သင့်ရဲ့အပေါ်တကယ့်စိတ်ရင်းနဲ့
ဆက်ဆံပေးတဲ့လူဆိုတာ အများကြီးမရှိနိုင်ဘူး
သင့်ခံစားချက်တွေကို သိတဲ့လူတွေ
အများကြီး ရှိချင်ရှိနေလိမ့်မယ်
ဒါပေမယ့် တကယ်ရင်ထဲကနေ ခံစားနားလည်ပေးနိုင်တဲ့
လူဆိုတာ ရှိချင်မှလည်း ရှိလိမ့်မယ်
ဒါကြောင့်လည်း သင့်အားကို သင်ကိုယ်တိုင်ကိုးပါ
သင့်ကိုယ်သင် ယုံပါ သင့်ခြေပေါ် သင်ရပ်ပါ ။ ။
စိတ်ဆင်းရဲစရာတွေကြုံဆုံလာတိုင်းစိတ်မပျက်ပါနဲ့
အရာရာကို ကုစားဖို့အချိန်တစ်ခုတော့လိုအပ်ပါတယ်
အမှောင်ပြီးရင် အလင်းလာစမြဲပါ
အားမလျော့ပဲ စိတ်ဓာတ်ခိုင်ခိုင်မာမာနဲ့
ဘဝကို ရှေ့ဆက်သာလျှောက်လှမ်းလိုက်စမ်းပါ ဖိုက်တင်း ။ ။
ကျွန်တော့ရဲ့မှတ်စုထဲကမှတ်သားထားမိတဲ့
မှတ်စုလေးကို မျှဝေပါတယ်
အားပေးမှုကိုအထူးပင်ကျေးဇူးတင်ရှိပါတယ်ခင်ဗျာ
No comments:
Post a Comment