၂၀၁၈ ခုနှစ်မှာထွက်ရှိမယ့် Qualcomm ရဲ့ Snapdragon 845 chipset ပါဝင်တဲ့ စမတ်ဖုန်းစာရင်းဟာ ပြီးခဲ့တဲ့နှစ်ကုန်ပိုင်းက ပေါက်ကြား ထွက်ပေါ်လာခဲ့ပါတယ်။ အဲ့ဒီစာရင်းမှာ OnePlus 6 ကို ဇွန်လမှာ မိတ်ဆက်မယ်လို့ ဖော်ပြခဲ့ပါတယ်။
အခုအခါမှာတော့ OnePlus 6 နဲ့ပတ်သက်တဲ့အကြောင်းကို OnePlus အမှုဆောင်အရာရှိချုပ် Pete Lau က CNET နဲ့ပြုလုပ်ခဲ့တဲ့ အင်တာဗျူးတစ်ခုမှာ အတည်ပြုပြောကြားခဲ့ပါတယ်။
“ကုမ္ပဏီအတွက် Snapdragon 845 ကလွဲပြီး အခြားရွေးချယ်စရာမရှိဘူး” လို့ Lau က ပြောကြားခဲ့ပြီး
ဒီဟန်းဆက်ကို OnePlus 5 လိုပဲ ဒုတိယသုံးလပတ်အကုန်မှာ မိတ်ဆက်ဖို့ စီစဉ်ထားတယ်လို့ လည်း Lau က ဆိုပါတယ်။ OnePlus 6 ရဲ့နာမည်ကို Lau က အတည်မပြုခဲ့ပေမယ့် လော့ဂျစ်အရ အဲ့ဒီနာမည်အတိုင်းပဲ ခေါ်ဆိုဖွယ်ရှိပါတယ်။
ဒီနှစ်အတွင်းမှာထွက်ရှိမယ့် OnePlus စမတ်ဖုန်းအပြင် ကုမ္ပဏီအနေနဲ့ AT&T နဲ့ Verizon တို့လို ကုမ္ပဏီကနေတစ်ဆင့် ဟန်းဆက်တွေကို ရောင်းချဖို့အတွက် အမေရိကန် ဆက်သွယ်ရေးကုမ္ပဏီတွေနဲ့ ဆွေးနွေးသွားမယ်လို့လည်း Lau က ပြောကြားခဲ့ပါတယ်။
-နောင်နောင်
Ref: GSMArena
အားပေးမှုကိုအထူးပင်ကျေးဇူးတင်ရှိပါတယ်ခင်ဗျာ
No comments:
Post a Comment