FDA ဝန်ထမ်းအမျိုးသမီးကို အဓမ္မပြုကျင့်သတ်ခဲ့သူ၏ ဇနီးအား ရဲတပ်ဖွဲ့ခေါ်စစ်
---
မြန်မာအမျိုးသမီးများစောင့်ရှောက်ရေးအဖွဲ့က လှုပ်ရှားမှုများ ပြုလုပ်မည်
====================================
FDA ဝန်ထမ်းအမျိုးသမီး ကို အဓမ္မပြုကျင့်ကာ သတ်ဖြတ်ခဲ့သာ မျိုးဇော်ဦးဇနီးအား ဇန်နဝါရီ၂၅ ရက် နံနက်တွင် မြောက်ဒဂုံရဲစခန်းက လာရောက်ခေါ်ဆောင်သွားကြောင်း မြောက်ဒဂုံပတ္တမြားလမ်း၌ နေထိုင်သူတစ်ဦးက ပြော သည်။
ဝန်ထမ်းအမျိုးသမီးကို သတ်သည့် တရားခံကို ပြစ်မှုကျူးလွန်ပြီး သုံးရက်နှင့် ခြောက်နာရီအတွင်းဖမ်းမိခဲ့ပြီး အသတ်ခံရသူ ၏ ဆမ်ဆောင်းဖုန်းဆော့ဖ်ဝဲအ သစ်လာတင်ရာမှတစ်ဆင့် ယုဇနပလာဇာ၌ ဇန်နဝါရီ ၂၄ ရက် မွန်းလွဲ ၂ နာရီတွင် ဖမ်းမိခဲ့သည်။
မျိုးဇော်ဦးဇနီးကို ဖမ်းဆီး ထားခြင်း ရှိ၊ မရှိ မြောက်ဒဂုံရဲ စခန်းသို့ 7Day Daily သတင်းစာ က ဇန်နဝါရီ ၂၅ ရက် ညနေတွင် ဖုန်းဆက်မေးမြန်းရာ ‘‘အမှုက လူကြီးတွေကိုယ်တိုင် စစ်ဆေးနေ တာဖြစ်တဲ့အတွက် ဘာမှပြောလို့ မရပါဘူး။ သတင်းထုတ်ပြန်တဲ့ အခါတော့ သိရမှာပါ’’ဟု တာဝန်ကျရဲအရာရှိတစ်ဦးက ဖြေကြား သည်။ ဇန်နဝါရီ ၂၄ ရက်တွင် ရဲတပ်ဖွဲ့က သက်သေခံပစ္စည်း များ နေအိမ်၌ လာရောက်သိမ်း ဆည်းစဉ် ရပ်ကွက်နေပြည်သူများ က မျိုးဇော်ဦးကို မကျေနပ်၍ လူစုလူဝေးဖြစ်ပွားခဲ့ကြောင်း မြောက် ဒဂုံပတ္တမြားလမ်းတွင် နေထိုင်သူ တစ်ဦးက ပြောသည်။
‘‘ရပ်ကွက်နာမည်ပျက်တယ် ဆိုပြီး သူတို့နေတဲ့အိမ်ကို ဖြိုမယ် ဆိုပြီး လုပ်ကြတာ။ ရဲတွေက စည်းတွေတားပြီး ထိန်းပေးထားလို့ ဘာမှ မဖြစ်သွားဘူး။ ၂၅ ရက် မနက်မှာ သူ့မိန်းမကို စခန်းက လာခေါ်သွားတယ်။ ညနေအချိန် ထိတော့ ပြန်မရောက်သေးဘူး’’ ဟု ရပ်ကွက်နေပြည်သူတစ်ဦးက ပြောသည်။ လူသတ်မှုဖြစ်စဉ်နှင့်ပတ်သက်၍ စစ်ဆေးချက်များကို ဇန်နဝါရီ ၂၅ ရက်နေ့လယ်က မိသားစုဝင်များအား မြောက်ဒဂုံရဲစခန်းက အသိပေးပြောကြားခဲ့ကြောင်း အသတ်ခံရသူ၏အဒေါ်က ပြောသည်။
‘‘အစောပိုင်းကတည်းက သံသယရှိတာပေါ့နော်။ ဒဏ်ရာ ဒဏ်ချက်က ပြင်းတာကိုး။ တစ် ယောက်တည်း မဟုတ်ဘူးလို့ထင် တာပေါ့။ ဒါပေမဲ့ တကယ့်တကယ်ပြန်ပြီး တွေးဆလိုက်တယ်။ အခု ဖမ်းမိလိုက်တဲ့အပေါ်မှာ တရားခံ ထွက်ဆိုချက်မှာ တစ်ဆင့်ချင်းစဉ်းစားလိုက်တော့ ဖြစ်နိုင်ခြေ များပါတယ်။ ရုတ်တရက်ဆိုပူနေ တာပေါ့နော်။ ဒါပေမဲ့ တစ်ဆင့်ချင်း ပြန်စဉ်းစားလိုက်တဲ့အခါကျ တော့ တစ်ယောက်တည်းဖြစ်ဖို့ များပါတယ်’’ဟု အဒေါ်ဖြစ်သူက ပြောသည်။ကျူးလွန်သူကို ထိုက်သင့် သည့် ပြစ်ဒဏ်ချမှတ်စေကာ နောက်ထပ်ယခုကဲ့သို့ အဖြစ်အ ပျက်မျိုး ထပ်မံမဖြစ်ချင်ကြောင်း မိသားစုဝင်တစ်ဦးက ပြောသည်။
‘‘ညမိုးချုပ်ရင် မိန်းကလေး တွေ အပြင်မထွက်တာ အကောင်းဆုံးပဲ’’ဟု ၎င်းက သတိပေးပြော ကြားသည်။
လူသတ်မှုကျူးလွန်သူ မျိုးဇော်ဦးကို မြောက်ဒဂုံမြို့နယ် တရားရုံးတွင် ဇန်နဝါရီ ၂၅ ရက် နံနက်က ရုံးထုတ်ရမန်ယူခဲ့ပြီး ရုံး ချိန်းကို ဖေဖော်ဝါရီ ၈ ရက်၌ ထပ်မံချိန်းဆိုထားသည်။
တက္ကစီမောင်းသူက အဓမ္မ ကျင့်သတ်ဖြတ်သောကြောင့် သေ ဆုံးခဲ့သည့် အသက် (၂၅)နှစ်အ ရွယ် FDA ဝန်ထမ်း မရွှေရည်ဝင်း အား ရည်စူး၍ လာမည့်ဇန်နဝါရီ ၂၈ ရက်တွင် ရွှေတိဂုံစေတီတော် ရင်ပြင်၌ ဝတ်ပြုဆုတောင်းမည် ဖြစ်ပြီး မည်သူမဆိုပူးပေါင်းပါဝင် နိုင်ကြောင်း မြန်မာအမျိုးသမီးများ စောင့်ရှောက်ရေးအဖွဲ့ ဦးဆောင် သူ မနှင်းရည်အေးက ပြောသည်။
ရွှေတိဂုံစေတီ ဗုဒ္ဓဟူးထောင့် ရင်ပြင်၌ မရွှေရည်ဝင်းအား ရည် စူး၍ သံဃာတော်သုံးပါးအား လှူဖွယ်ပစ္စည်းများ ကပ်လှူကာ သေဆုံးသူ ကျွတ်လွတ်စေရန် ဆုတောင်းပေးမည်ဖြစ်ကြောင်း ၎င်းကဆက်လက်ပြောသည်။
‘‘ဆုတောင်းနေတဲ့အချိန်မှာ အစ်မတို့က ဗီနိုင်းတွေ ထောင် ထားမယ်။ သူက တစ်ဦးတည်း သော သမီး၊ သူ့မိဘတွေကလွဲရင် ဆုတောင်းပေးမယ့်သူမရှိဘူး’’ဟု မနှင်းရည်အေးက ပြောသည်။
မရွှေရည်ဝင်း သေဆုံးရ သည့် ဖြစ်ရပ်ကြောင့် မြန်မာအ မျိုးသမီးများ စောင့်ရှောက်ရေးအ ဖွဲ့ကို ဇန်နဝါရီ ၂၅ ရက်တွင် ဖွဲ့စည်းပြီး ၎င်းတို့အဖွဲ့က ဆုတောင်းပွဲပြီးလျှင် မရွှေရည်ဝင်းကို သတ်ဖြတ်သူ တက္ကစီယာဉ်မောင်း၏ တရားရုံးရုံးထုတ်တွင် ‘မုဒိမ်းကောင်များ သေဒဏ်ပေးရေး လှုပ်ရှားမှု’ စတင်မည်ဟု မနှင်းရည်အေးက ပြောသည်။ဇန်နဝါရီ ၁၂ ရက် ည ၈ နာရီကျော်အထိ ၎င်းတို့အဖွဲ့ လှုပ်ရှားမှုတွင် ပါဝင်လိုသူကို ၅၀ ခန့်ရှိပြီဟု အဖွဲ့ကို ဦးဆောင်သူ မနှင်းရည်အေးက ပြောသည်။
မြန်မာအမျိုးသမီးများ စွမ်း ဆောင်ရည်အဖွဲ့သို့ ဆက်သွယ် လိုပါက ၀၉-၉၇၀၉၀၇၇၆၆၊ ၀၉-၉၆၃၉၄၇၁၁၊ ၀၉- ၅၀၆၇၅၃ သို့ ဆက်သွယ်နိုင် ကြောင်း ယင်းအဖွဲ့က ကြေညာ ထားသည်။
ရန်ကုန်တိုင်းဒေသကြီးတွင် ၂၀၁၇အတွင်း မုဒိမ်းမှုနှင့်လူသတ် မှုအများဆုံးဖြစ်ပွားခဲ့ပြီး မုဒိမ်းမှု ၂၇၀ မှု၊ လူသတ်မှု ၁၅၆မှုရှိခဲ့ ကြောင်း တိုင်းဒေသကြီး ရဲတပ်ဖွဲ့ က ထုတ်ပြန်ထားသည်။
===========
7Day News Journal
ဖေအောင် http://7daydaily.com/story/118827
အားပေးမှုကိုအထူးပင်ကျေးဇူးတင်ရှိပါတယ်ခင်ဗျာ
No comments:
Post a Comment